Wednesday, 3 February 2016

REFLEKSAUN: ICT CAMP 2015 TIMOR-LESTE

Aktividade ICT CAMP 2015 nebe halao iha Distritu Liquisa husi dia 12 too 16 de janeiro 2016 hanesan aktividade importante ida nebe joven sira halo iha tinan foun 2016 nia laran. liu  husi Fundasaun Desenvolvimentu Sofware Livre (FDSL) kolabora hamutuk ho Secretario estado Joventude no Desporto (SEJD) hodi anima joven sira liu husi seminar, training no Tour. Tema principal ba ICT CAMP 2015 mak “Foin Sae Matenek no Kreativu ho Teknologia, informasaun no Komunikasaun”. Husi tema principal ida neé hakerek nain hakarak hakarak hatoo buat rua (2)  durante tuir eventu ida neé.

Premeiro: “Foin Sae Matenek no Kreativu ho Teknologia, informasaun no Komunikasaun”.

Lian fuan ida neé hanesan trigger ida hodi fo motivasaun ba joven sira, laos deit sira nebe partisipa iha envetu ida neé maibe mos ba joven sira iha Timor-Leste laran tomak atu nuneé, laos deit sai usuador (pemakai) maibe bele mos sai kriador (pencipta) no inovador iha seitor ICT nian. Hare husi partisipante sira nebe mai partisipa iha eventu ida neé maioria joven deit. Joven sira neé mai husi group oin-oin. Sira mai ho intensaun ida katak sira hakarak no esforsu an atu tuir no aprende materia hirak nebe organizadora prepara ona. Grupu sira hanaran an tuir ida-ida nia especialidade, balun  temi an grupu linux RedHat, Debian, Fedora, Mint, Android, no seluk tan.Tuir observasaun nebe hakerek nain halo durante serimonia abertura iha dia de 12 de janeiro 2016 hatudu katak, group sira neé iha duni espiritu kreatividade hodi anima joventudi sira liu-liu joventude liquisa oan sira atu aprende no pratika material sira neé. Hakarak ka la kohi foin sae sira persiza  esforsu an atu uza sira nia matenek no energia tomak atu aprende no pratika. Command line nebe iha versaun linux Hanesan ema hotu hatene katak sistema operasaun (OS) linux diferente ho sistema operasaun Windows nebe bain-bain ema uza. Command sira hanesan, ls, root, ps, var no seluk tan ita susar oituan atu hetan iha sistema operasaun windows. Problema ida neé mosu tamba sistema operasaun linux uluk sei basea ba Command Line Interface (CLI), maibe agora dadaun ho versaun Linux iha mudansa barak tamba sistema operasaun Linux agora basea ba Graphical User Interface (GUI). Husi nia display (tampilan) bele ajuda ema atu komprende diak sistema operasaun linux. Vantagem husi Sistema Operasaun Linux nomos Windows laos deit ajuda ema atu utiliza aplikasaun hirak nebe tau hamutuk iha sistema operasaun nia laran, maibe mos ajuda engineiro Informasaun no Teknologia (IT) sira atu halo konfigurasaun ba ekipamentus Rede hanesan Cisco Router, Switch no WiFi. Tan neé tempo loron tolu ka hat nia laran durante eventu ICT CAMP ida neé la dun suficiente atu bele komprende diak liu materia hirak neé. Maibe se la hahu agora, bain hira tan?

Segundo: Foin Sae no espiritu entrepreneurship.

Eventu ICT CAMP 2015, tuir hakerek nia hanoin laos deit forma foin sae sira atu aprende aplikasaun hanesan temi iha leten, maibe persiza mos atu hanoin atu bele prepara foin sae sira neé para kria servisu ba sira nia an rasik (entrepreneurship). Idea kreativu ida neé laos mosu derepente ou secara instant maibe persiza treinamentu. Treinamentu laos deit iha parte tekniku nebe forma foin sae sira atu sai ema matenek bele halo aplikasaun database, network engineers, web developer, graphic design, system engineers no seluk tan, maibe persiza mos forma foin sae sira atu bele faan (marketing) ba produtu sira nebe sira kria. Tan neé iha eventu sira nebe hakerek nain partisipa sai hanesan orador sempre fo motivasaun ba foin sae sira atu bele mosu idea diak ruma atu nuneé bele sae foin sae ida nebe “mandiri “ nomos bele kria servisu ba ema seluk. Profesi iha area Informasaun no Teknologia (IT) iha Timor-Leste sidauk hetan fatin diak iha Governu nomos iha kompania privadu sira. Los duni, iha tempo Governu AMP nian liu  Ministru Saude Senhor Sergio Lobo nian tempo iha ona hanoin ida atu fo sertifikasaun ba professional IT sira, atu nuneé professional IT sira neé bele hetan tratamentu ida nebe egual ho sira nian matenek,  maibe ikus mai idea ida neé la realiza, Ho situasaun dilematiku  ida neé laos sai rasaun atu foin sae sira lakon oportunidade atu bele kria buat diak ruma iha area ICT nian hodi desenvolve nasaun ida neé. Group sira nebe hamahon an iha area Linux: Debian, RedHat, Fedora no seluk tan laos deit para iha eventu ICT CAMP 2015 ida neé. Maibe depois de eventu ida remata group sira nee bele halibur malu nafatin hodi troka idea no fahe matenek ba malu (share knowledge) atu nuneé iha futuru bele kria servisu tuir abilidade nebe sira iha nomos bele ajuda desenvolvimentu nasional. Foin sae sira nebe sai gerasaun foun futuru nasaun nian persiza aproveita tempo estuda no pratika iha treinamentu no iha fatin seluk. Iha lian Bahasa Indonesia dehan hanesan neé: Memulai itu setengah berhasil, ita fiar katak liu husi eventu ICT CAMP 2015 bele sai referensia diak ba foin sae sira atu bele explora sira nia an hodi bele kompete iha mundu modernu.

2 comments:

You This said...

Halo maun boot sptnya sudah agak jarang menulis ya, tidak seintens tahun sebelumnya. Saya masih sering berkunjung untuk mengupdate info tentang timor leste dan belajar menulis juga di blog saya kalo sempat boleh dikunjungi dan dikomentari.
http://blog4you-mancing-teman-dan-perjalanan.blogspot.co.id

Lov3 Timor L3st3 said...

Terima kasih bro atas kunjungannya ke blog saya.maaf memang sudah jarang update blog ini. Lagi cari inspirasi bro.