Photo rua iha blog ne'e hakerek nain kopia husi facebook kolega. Rich and Poor laos livro "Rich dad and poor dad" nebe hakerek husi Robert T. Kyosaki he.e. Photo rua ne'e representa situasaun Nasaun Timor Leste iha Cidade no iha fatin nebe dook husi cidade. Neduni ita labele nega katak ida mak situasaun nasaun Timor Leste agora. Iha cidade Dili fatin komesa klot dadaun. Populasaun barak mak faan sira nian rai ba ema nebe riku ou ema estrangeiro balu nebe agora komesa nakonu iha Timor laran. Tan ne'e ita lalika hakfodak katak foho sira nebe haleu cidade Dili ema komesa ke'e no hari uma iha foho sira nian leten. Laos iha Dili deit, foho balu iha area Akanunu mos emprezario balu ke'e no foti fatuk no rai henek iha foho sira hodi faan ba estado hodi halo estrada, uma no seluk tan. Tan n'e kuando tempo udan boot populasaun sira nebe hela iha area akanunu sempre terus, tamba mota estraga hotu sira nian uma no sasan seluk nebe importante ba sira nian vida.