Monday, 5 March 2012

Promesas oin-oin husi candidatu presidente Timor Leste 2012

Dadersan ida ne;e hakerek nain le noticia iha http://cjitlnoticias.sapo.tl/nasional/loron-datoluk-pires-hakarak-su-156611. Tuir source ida ne'e, ita bele le'e informasaun kona lian fuan ou promesas sira nebe hasai husi candidatus sira iha loron datoluk iha tempo campanha ida ne'e. Promesas sira ne;e hanesan tuir mai:
Taur Matan Ruak: "hanesan Timor oan hatene halo funu tenki hatene mos atu ukun nasaun Timor Leste".
Lu Olo (apresenta husi Mari Alkatiri): " kritika maka’as ba fotografia kandidatu prezidente Independente Taur Matan Ruak ne'ebé nia fotografia uza farda militár".
Angelita Maria Pires: " se karik  sai prezidente sei sulan hotu membru Falintil Forca Defeza Timor Leste- FFDTL no Polisia Nasional Timor Leste – PNTL ne'ebe halo krime ba iha tribunal militar ne'ebe nia sei hari".
Abilio Araujo: " sei promete atu lakohi simu salariu prezidente tamba povu sei ki'ak hela".
Promesas husi kandidatus sira iha tempo campanha elesaun 2012 ne'e hanesan buat ida nebe normal, hanesan mos ema sira nebe halo bisnis, atu ema bele sosa sira nian sasan ou produtu  tenke ser halo promosaun oin-oin (iklan) hodi ema seluk bele conchese, koko, depois kuando hakarak bele sosa produtu sira ne'e. Tempo campanha, candidatus sira ne'e mos tenke ser promove sira nian aan liu husi media elektronik ou audio visual. Iha cidade Dili no iha distrito sira, kuaze nakonu ho iklan sira ne'e. Lian fuan midar husi kandidatus sira  kuaze monta iha fatin strategi (central) hodi nune ema sira bele le;e no hare figura candidatus sira. Candidatus sira ne'e mai husi background oin-oin, balun husi militar, educador, nomos balun husi partido politiku. Hotu-hotu halo promesa nebe furak no kmanek. Maibe, tempo mak sei determina, sera que candidatus sira ne'e halo tuir duni buat nebe sira promesa ou lae?. Hanesan sidadaun nebe sai eleitor iha elesaun ida ne'e, laos deit fiar promesa sira ne'e maibe persiza mos:
Conchese: Hau hatene momos kandidatu ida nebe atu hili
Koko: Hau hatene katak lider ida nebe hau atu hili, iha duni,  integridade, kualidade no kapasidade hodi bele ukun no lori nasaun Timor Leste ba futuru.
ikus liu,  nudar kandidatus, tempo campanha laos tempo atu insulta malu; maibe tempo atu fahe informasaun kona ba programa nebe kandidatus sira atu halo wainhira eleito iha elisaun presidensial 2012. Nudar eleitor, hau hakarak hato'o lian fuan ida ne'e ( lian fuan ne'e uluk hakerek iha moru ida besik loja sigma tempo krize 2006): " Nain ulun sira hadau malu kadeira, povu kiik hadau malu kaisau". simples maibe fo signifika katak nain ulun sira bele halo maneiras oin-oin, maibe nudar povu kiik ita persiza mos kria paz no unidade, labele oho no halo aat ba malu. Hodi ne'e deit mak ita bele lori nasaun ne'e ba oin.
Bom succeso, ba tempo companha elesaun presidensial 2012.

4 comments:

indobrad said...

hore sebentar lagi pemilu ya? buat warga negara TL yg di Indonesia, kemana harus pergi utk ikut serta? ke kedutaan di Jakarta kah?

Lov3 Timor L3st3 said...

Terima ksih boss, uda mampir, blm ada info mengenai warga negara TL yg ada di Indonesia. Klu ada nnti kutulis di blog ini.slm

Amaral Fredy said...

ORORAS TAN ITA SEI RONA NO ASISTI PA PROSESO KONTAGEM DO VOTO....MAIS ITA HTNE KATAK ENTRE KANDIDATURA SIRA NE HOTU IHA NAIN TOLU MAKA TUIR HAU NIA HANOIN KATAK SIRA SEI HAKAT BA II RONDE
1. TAUR MATAN RUAK
2. LU-OLO
3. JOSE R HORTA

Lov3 Timor L3st3 said...

Ok Bro. ita hein deit rezultado sei mak sei manan iha eleisaun ida ne'e. Parabens ba povu tomak nebe ohin loron ho dificuldade oin2 bele hakat ba centro votasaun hodi vota ba sira nian kandidatura. Parabens ida tan tamba ita bele halao elesaun ida ne'e ho hakmatek no paz. Comprntos

WELCOME TO MAROBO HOT SPRING..

Marobo hot spring atau air panas Marobo cukup terkenal di kalangan masyarakat Timor Leste. mulai dari kalangan anak-anak, orang dewasa maup...