Monday, 15 June 2009

Misa Corpu de Deus




orseik iha lokraik 17.00 iha ami nian edifisio nian oin. hare populasaun barak mak tuir prosesaun ba Igreja Balide. Hanesan jornalista dadakan ho HP Nokia klik ba klik mai hodi buka object nebe diak atu foto. Sr. Ramos horta mos partisipa iha prosesaun ida ne'e, sei la sala nian lao iha Amo Bispo Ricardo nia kotuk. Iha Nasaun senhor Presidente Ramos mak bo'ot maibe iha Hirarkia Igreja Timor Leste Amo Ricardo mak bo'ot. tamba serimonia ne'e Igreja nian entao senhor Ramos tenke ser iha kotuk..eee...


Iha Timor Leste tamba maioria katolik, ita la hakfodak ho evento ida ne'e. Sei ita kompara ho igreja katolik iha Indonesia situasaun diferente oituan. Liu-liu iha Bandung, prosesaun dala ruma halo iha igreja laran ou area igreja laran deit. Ema mos ladun barak hanesan iha Timor Leste. Maibe tuir hau nian hanoin, moris espiritualitas ema katolik iha rai Jawa ne'e bele sai mos ezemplo diak ba ita iha Timor Leste. Mesmo hela iha situasaun apertado nian laran, sira la haluha atu halo tuir nai Jesus nian dalan. buat ida mak naran "Pertemuan Lingkungan". Iha Pertemuan lingkungan sira reza hamutuk iha fatin nebe determina tiha ona. Semana-semana fatin encontro muda. Participante hanesan: Padre, Katesista, mudika, mahasiswa no familia mai tuir encontro ida ne'e.Oras reza hamutuk hotu tiha, la haluha mos uma nain perpara hemu no hahan ba ema sira nebe mai. Ita hare aktividade ne simples liu, los duni maibe hau hakarak hatete deit katak ho aktividade hanesan ne'e bele kria situasaun harmonia entre ema katolik iha neba. iha sentimento hanoin malu no hadomi malu. Mesmo iha tempo susar laran sira sempre fo suporta ba malu. Maluk balu moras karik sira ba visita, balu susar karik sira fo ajuda.


Legio Maria, mos moris buras iha Bandung. Semana-semana ema nain rua ba visita ema moras,WiyataGuna (fatin ba ema sira nebe hetan moras matan), kumarka no seluk tan.


Iha Timor Leste mosu mos grupo jovento barak. Sira mos barak mak halo aktividade iha Igreja. Ita bele hare Prosesaun orseik ema joven barak mak tuir, sira kanta no reza. ida ne'e sinal diak ba ema Timor Leste katak, mesmo joven sira ne'e moris iha era tenologia komputador, HP, Internet no seluk tan, sira sei hanoin nafatin moris religioza nian. Igreja, Etado, Familia persiza servico hamutuk hodi kria kondisaun ba jovento sira ne'e. atu nune'e jovento sira ne'e la soe tempo arbiru deit tu'ur iha dalan ninin hemu droga no baku malu.

No comments:

WELCOME TO MAROBO HOT SPRING..

Marobo hot spring atau air panas Marobo cukup terkenal di kalangan masyarakat Timor Leste. mulai dari kalangan anak-anak, orang dewasa maup...