Friday, 12 June 2009

Limpeza Geral



Iha sexta feira semana-semana, funsionario governo tomak halo limpeza geral. Kada ministerio ida-ida hatene ona fatin nebe sira atu ba hamos. Husi istrada ibun, tasi ibun no fatin strategia seluk tan. Los duni cidade Dili nakonu ho foer. It abele hare iha strada ibun no tasi ninin ema soe foer arbiru deit. Mesmo Governo halo fatin atu tau lixu maibe ema nafatin soe foer. Antes limpeza geral, Governo liu husi polisia halo operasaun kaer animal sira nebe namkari iha Dili laran. Balu sira oho no fo ba prissao no fatin seluk. Resultado husi operasaun animal ne’e ita bele hare la iha ona animal iha cidade laran, e balu iha mos sira tau ona animal sira iha luhan. Hotu tiha operasaun animal, Governo liu husi siguranca sivil hetan suporta mos husi policia halo muda obrigasaun ba vendedores sira nebe faan iha Estrada ninin. Ita bele hare operasaun sira nebe efektivo duni, Dili comesa mos no furak. Laos ida ne’e deit trotoar, kuda ai no uma foun mos mosu barak iha Dili. Iha tasi ninin, dalan tama husi Pertamina ita bele hare Hotel Arbiru no Ocean view nebe nian folin kada fulan $ 1,800 too $2,000. Dili laran ita bele hare mudansa barak.laos ida ne’e deit, kuandu tempo meudia, iha Catedral nian oin kareta barak mak botuk iha neba. Buka dalan atu hases an araksa oituan tamba dalan klot, motor no kareta tenke ser hadau malu dalan hodi too lalais iha uma. Dla ruma mos labarik escola oan sira susar oituan atu hetan mikrolet tamba pasageiros nakonu no seluk tan. Ida ne’e mak realidade nebe ita hasoru iha Dili laran. Governo mos kontinua esforsu maka’as hodi hadia cidade Dili liu husi limpeza jeral iha sexta feira semana-semana. Aktividade limpeza jeral ne’e hahu kuaze fulan 2 liu ona. Objectivo husi limpeza geral ne’e klaru katak Governo ou funcionario publico tenke ser fo izemplo ba populasaun hodi hadia ita nian capital Dili. Maibe esforsu sira ne’e sidauk to’o, ita sei hare ema soe foer arbiru deit. Sexta feira hamos tiha, sabadu ita hare foer nakonu fali iha dalan ninin. Ida ne’e hatudu katak populasaun iha Dili sidauk iha konsiensa rasik atu hamos ida-ida nian fatin ou bairo. Ita sei hanesan labarik, persiza obriga atu halo servico. Kondisaun ida ne’e mos ita labele fo sala ba populasaun iha Dili, sira mos iha problema oin-oin nebe persiza atu hadia, liu-liu buka servico, faan sasan no servico seluk tan nebe bele valor ba sira nian vida. Questaun mak ne'e to'o bainhira mak funcionario Publico halo limpeza geral nafatin? sei sexta-sexta hanesan ne'e nafatin produktivitas funcionario publico nudar servedor povo sei tun no nasaun sei la ba oin. `

No comments:

WELCOME TO MAROBO HOT SPRING..

Marobo hot spring atau air panas Marobo cukup terkenal di kalangan masyarakat Timor Leste. mulai dari kalangan anak-anak, orang dewasa maup...