Mama Augusta da Silva

iha dia 24 de juni 2007, hau senti lakon boot iha hau nia moris tamba iha loron ne'e duni hau nian ama husi hela ami. 23 de juni ami konsege lori ama ba hospital guido valadares maibe la konsege salva ama nian vida. Hau triste liu tan tamba nia mate mai nian oan sira la iha nian sorin. Uluk permeiro ama hetan ataksaun hau konsege hamutuk too dader san. iha tempo neba hau foin senti katak hau nian hetan atakasaun ida nebe hau nunka hare iha hau moris. Ama ho O2 dada iis araska e dada an makaas, e mos hakilar, hau bolu infermeira sira atu bele tulun lalais hau nian ama. Hau tauk lakon hau nian ama. maibe memang ama keras kepala infermeira bandu tiha ona atu labele sai husi fatin toba maibe wainhira ama sadar fila, obriga hau atu lori ba sintina atu mi. hau hakaas aan atu fo kompredesaun ba ama atu bele tuir infermeira no doutor sira haruka maibe buat sira la konsege. Dala ruma hau hanoin fila akontensemento sira ne'e hau triste tamba hau sei hanoin fila fali wainhira hau stori malu ho hau nian ama tamba hau nian fen. Iha tempo neba ama dehan ho sai husi ne'e sinal katak aban bain rua ami mate karik o sei la iha hau nian sorin. los..duni lian fuan nebe ama hateten waihira ama mate hau la iha ama nian sorin. Antes ama mate iha lokraik hau ba hare hela ama toba hela iha hospital mana Eu mak iha neba. Ami rua Truka ama nian hatais, kondisaun ama fraku tebes. Ama konsege hare hau no hakruk ulun maibe...

Hotu tiha ida hau fila ho hirus ba Veny tamba sira rua hela iha Hera. Iha dalan atu sae kareta hau murmura hela deit ba Veny. too iha hera mos hau hare Veny hirus hela deit. La hatene tamba sa?. E hau nian laran mos la tenang, Sinal ikus liu ama atu mate mak Sonali halai no taka odamatan hodi halo monu estatua Nosa senhora nebe ami hola iha Madres Carmelitas sira. Hau senti tebes katak buat truma sei akontense. E los duni iha kalan mais ou menus tuku 11 kalan Maun Felis telepon katak ama la iha ona. Hau la konsege koalia lian fuan ruma, hau tanis e tanis. hau labele mai lalais iha Dili tamba husi Hera Transporte la iha. Ami nain tolu foin mai Dili iha dader tanggal 27 Juni 2007. Iha kareta laran hau rona kanta husi Abito gama "MAMA" hau nian laran triste liu tan. Too Microlet para iha uma oin hau tanis e tanis ba Ama. I LOVE U MY BEATIFUL MOM. SEE U IN HEAVEN.