Aman Antonio da Silva

Ama hetan atakasaun derepente dala rua, permeiro atakasaun ami lori ba Hospital no baixa iha hospital kuaze semana rua. Depois hotu tiha ama nian kondisaun diak oituan, doctor sira haruka fila ba uma. Tempo neba mau Pedro hein hotu Ama iha hospital. Ama konsege hela uma kuaze semana ida nian laran. Tamba ami hare ama nian kondisaun diak oituan, ami husu ama atu ba Hera lai, tamba ami nian sasan kuaze semana rua nian laran ami la tau matan. Mesmo ami ba tiha Hera, hau sempre dehan ba Da Te ( alin ) ho nian kaben atu tau matan ba Ama& Apa tamba doutor bandu atu Ama han Arbiru. Maibe Ama ne’e ema ida nebe keras kepala dala ruma hau sai hirus kuande hau dehan lakohi rona. Depois semana ida antes ama atu mate, hau mai uma hare Ama iha kuarto laran. Tempo neba ama toba hela derepente nian hader no tau liman ba hau nian fuan. Hanesan oan ho inan nebe kleur la hasoru malu. Ama kontente losss. Hau la iha hanoin ida katak ida ne’e hanesan sinal ida katak ama atu husik ami husi mundo ida ne’e. Sentimento nebe todan liu mak Ama nian mate hau la iha nian sorin. Maibe buat sira ne’e liu hotu ona “ I’m Sorry mom, I was not there when you died. Forgive me what I have done for you. Istoria kona ba Ama halo hau hanoin fila hau istoria husi foho matebian, ossu too Dili. Uluk funu laran Ama lori hau to’o foho matebian, iha tempo neba hau sente hanesan mehi iha funu laran.Derepente hare aviaun hatun bomba, ema mate iha ami nian sorin maibe ema husik tiha deit. Hahan susar tebes, hau sei hanoin iha tempo kalan ida tamba iha foho matebian be araska, entao ami tein etu ho nu ben, Midar lahalimar. Ama sempre baku hau kuandu hau la han out anis. Hau so konhese deit mak hau nian bin juvita no eufrasia. Susar tebes iha tempo neba. Hau la hatene hau nian aman mak nebe? Kuandu husu ba hau nian Ama nian dehan deit la kleur it sei hasoru o nian Apa. Resposta ida ne’e mak Ama sempre dehan wainhira hau husu konaba hau nian aman. Esperiensa moris iha Foho matebian hanesan mehi aat ida iha hau nian moris. Hau nunka hatene tamba sa mak ho funu iha tempo neba Ama lori ami to’o iha foho matebian?. Ikos mai mak hau hatene katak iha tempo neba Ami nian Aman labele hamutuk ho ami tamba TNI kaer ho hau nian maun Pedro sai nudar TBO (tenaga Bantuan Operasi). Iha loron ida iha foho matebian bomba tun besik ami nian subar fatin no hakanek ami nian ren to’os ami hotu tanis, ran sai barak husi ama nian ulun, maibe hakuak ami no dehan hau sei diak hela. Graca de Deus too ikus ami hotu bele hamutuk fila ho ami nian aman iha Ossu. Hau konese hau nian Aman wainhira ami tun husi foho matebian. Tuir istoria husi ami nian Aman katak wainhira ami tun husi Matebian, ami nian isin lolon ne’e hanesan ema SOMALIA iha Afrika neba. Ama nian fuk la iha hotu no hau nian isin krekas hela ruin deit. Hatene deit ona moris iha funu laran ne’e hanesan nebe pior liu tan iha 1976-1978. Iha Ossu dader Apa mak sempre fo haris hau. Apa ho hau nian maun Pedro nian kondisaun diak liu ami tamba sira hela ho TNI no han-han la susar. Maibe, hau nian Aman ne’e ema nebe keras. Hanoin deit ba, Aman keras, inan keras oan apalagi!!eeeee. Ida ne’e realidade, dala ruma sira nain rua baku malu too duni malu sai husi uma. Mesmo hau nian Aman ne’e ema ida nebe keras, maibe nian kasih sayang ba Ama no ami oan sira luar biasa. Iha tempo funu laran posibilidade barak Ba Apa atu buka feto seluk, maibe nian lakohi hili dalan ida ne’e. Nian tetap hadomi Ama to’o agora. Expresi domin Apa ba Ama bele hare foto iha leten ne’e. iha tinan 1983 ami muda mai dili, iha tempo neba hau foin hatene katak hau sei iha bin boot naran Palmira. Hasoru premeiro Mana Mira dehan iha lian fuan makasae desculpa tamba iha tempo neba ami la hatene koalia tetum eeee. Ai ani sofe di to nai ( o konese hau ga lae?) hau la hatete buat ida tamba hau moe e nian hakuak hau.. Mana boot ne’e sei kiik kedas hela ho ami nian tiu. “Tiu obrigado barak tamba tiu haruka ami mai hela iha Dili”. Iha tempo ne’e ami moris susar, sorti Mana boot ho mau Peu servico tiha ona hodi bele ajuda Apa ho Ama. Iha tempo susar ne’e Apa ba faan na’an iha Mercado Lama ho maluk sira husi Ossu liu-liu ho Tiu Afonso (matebian). Dader Apa sai ba faan naan, kundo naan faan hotu ami kontente, maibe kuande Apa la hetan na’an ou naan la iha ami triste tebes. Sei faan naan hotu tiha, Apa sempre fila ho hudi kulit hodi fo han fahi nebe hakiak iha uma. Tamba ho kondisaun susar ida ne’e, hau mos ajuda faan bua iha merkado becora e hau mos koko atu buka servico iha Perusahaan Batara Indra ( iha ami nian uma kotuk), maibe tamba hau sei kiik sira la simu hau. Ida tan mak hau gava hau nian Aman mak, nian sempre haruka nian oan sira ba escola. Hau nian ba hatama iha STM Don Bosco, Mana Vita ba SPK, no Mana Eu SMA. Rasaun Apa hatama hau ba STM Fatumaca tamba hau ema badiu dor, kuandu han hotu tiha hau ba halimar catur ho katuas ida husi Alor. Mesmo hau badiu maibe hau notas escola diak. Iha ami nian kelas hau rangking pertama …eiii..sombong nie. Hau tama Fatumaca ne hanesan obriga deit, tuir lolos hau hakarak tama SMA. Maibe hanesan ohin hau dehan Apa ema ida nebe keras kepala, kuandu koalia A entao labele muda. E ikus hau tama duni STM Fatumaca. Iha Fatumaca hau hili Elektronika, tinan permeiro notas la dun diak maibe hau hakaas an to’o fim ho valor diak. Moris ami nian Familia komesa iha mudansa waihira Mana Eu hetan servico iha Liquisa no Mana Vita sai imfermeira iha hospital. Buat seluk mak hau aprende husi hau nian Aman no Inan mak la falta misa iha dominggu no resa dader-dader. Esperiensia spiritual nebe hau mos persiza aprende husi sira nain rua.