Ohin dader dia 31 Agusto de 2011, ami aluga angkot ba visita TanjungSari; fatin nebe maluk Timor oan balu nebe fiar relijiaun islam hela ba e halo boas festas ba sira nian loron Idul Fitri 1432H. TajungSari fatin ida nebe buras no fresco, lokaliza iha centro entre Jatinangor no Sumedang. Tuir Haji Basri; kuaze Timor ona hamutuk ema 90 liu mak hela iha fatin ida ne'e. Atu to'o iha fatin ne'e kuaze han tempo horas 3 nian laran. Haji Basri husi sub Distrito Quelecai no nian fen husi sub Distrito Venilale. Sira nian oan hamutuk nain tolu. Oan premeiro naran Saddam Husein escola iha STISI semester 3. Iha fatin ne'e mos iha mushola, pesantren nomos rai luan boot nebe Haji Basri foin sosa hodi kuda aifarinha, aidila, hodi no tuir Haji Basri nian planu rai nebe nian foin sosa ne'e iha futuro sei hari'i universidade ida. Iha fatin hanesan ne'e Haji Basri ho familia hakiak ikan lele, manu rade, hakiak bibi nomos hari'i organizasaun nebe hanaran Yayasan Lemorai. K